Wararkii Ugu dambeeyey qasaarihii ka dhashay Qaraxii ka dhacay Muqdisho

Taliska Ciidanka Booliska dowladda Federaalka Soomaaliya ayaa faah faahin ka bixiyey qarax Is-miidaamin oo saaka ka dhacay albaabka hore ee Iskuulka Mucaasir ee ku yaalla inta u dhexeeysa Isgoyska Tarabuunka iyo Madaxtooyadii hore ee Cabdiqaasim ee Magaalada Muqdisho.

Taliska ciidanka Boliiska Soomaaliyeed ayaa sheegay in abaarihii 0732 uu Qarax gaari ka dhacay inta u dhaxeysa isgoyska Tarabuunka iyo Guriga Ex.M. Cabdiqaasim gaar ahaan afaafka Hore ee Iskuulka Mucaasir oo ku yaalla kasoo horjeedka Dugsga sare Banaadir .

Boliiska  ayaa sheegay in khasaaraha ka dhashay qaraxaasi uu yahay 8 dhimasho ah iyo 17 dhaawac ah,ka dib markii Gaariga Noociisu ahaa Surf ,oo ka yimid dhanka Tarbuunka uu isku dayey in uu beegsado Baabuurta ilaalada UN.ka ee Looyaqaano Duguf Security.