Madaxweynaha Maamulka Galmudug Axmed Cabdi Kaariye Qoor Qoor ayaa lagu wadaa maanta inuu gaaro magaalada Baydhaba ee gobolka Bay, halkaas oo ay ku sugan-yihiin madaxweynayaasha Koonfur Galbeed iyo HirShabeelle.
Magaalada Baydhaba ayaa waxaa ka furmaya shir u dhaxeeya seddaxdaas madaxweyne goboleed, iyagoo ka arinsan doona sida ay ka yeelayaan heshiiskii lagu gaaray shirkii Dhuusamareeb-3, isla markaana talo mideysan ay ula imaan lahaayeen Muqdisho.
Sidoo kale madaxdan ayaa la sheegay inay aqbaleen casuumaad uu u fidiyey madaxweyne Farmaajo, isla markaana shirka Baydhaba kadib ay Muqdisho soo gaari doonaan.
Madaxtooyada Soomaaliya ayaa shalay shaacisay in 10-ka bishan oo ku beegan Khamiista berrito uu Muqdisho ka furmi doono shir u dhaxeeya madaxda dowladda federaalka, kuwa dowlad goboleedyada iyo maamulka gobolka Banaadir.
Leave a Reply