Madasha Aqaanyahanada Gedo oo Cambaarayn u jeediyey Deni

War-saxafadeed kasoo baxay Madasha Aqaanyahanada Gobolka Gedo ayaa waxay si kulul u cambaareeyeen Madaxwaynaha Puntaland Siciid Cabdulaahi Deni.

Gobalka Gedo waxuu ka mid yahay meelaha wax-barashadiisa aysan saamayn bur-burkii Dalka, loona soo doonan jiray cilmiga horraan iyo hadaba, kana faa’idaystay Dowladaha dariska la ah juquraafi ahaan, waxaana xusid mudan in uu markasta Horumuud u ahaa howlaha wax-barashada tan iyo intii Imtixaanka Qaranka la mideeyey.

Sidaas daraadeed, Madasha Aqoonyanka Gedo-Gedo intellectual forum- (GIF) waxay cambaaraynaysaa hadalka aan laga fiirsan ee Madaxwayne Deni oo ka fog fahamka Dowladnimada iyo shaqooyinka Hay’adaha Dowladda ay u madax-banaanyihiin. Waxaa kaloo GIF ay cambaareynaysaa in natiijada imtixaanka ardayda Gedo looga dhigto gabaad ka haritaanka Putland ee Imtixaanka Qaranka oo ah howl shaqo ay tahay in Wasaaradda ay kala xaajoodaan.