Dibadbax ballaaran oo maanta ka dhacay magaalada Muqdisho(Sawirro badan)

Boqalaal Dadweynaha ah oo ka kala yimid xaafadaha magaalada Muqdisho, isla markana ku labisan dareeska Calanka Jamuuriyadda ayaa waxaa ay isugu yimaaden Taalada Daljirka Dahsoon ee Degmada Boondheere, iyagoo gacma ku wata boorar waxaana banaan baxaani ujeedkiisu uu  ahaay taageerida is badalka uu Madaxweynaha Jamhuuriyadda Fedraalka Soomaaliya ku sameeyay garsoorka dalka, sidoo kale waxaa lagu taageeraayay Guulaha ay Ciidmada qalabka sida Soomaaliya ka gaaren howlgalada gobalada dalka looga xoreynayo  UGUS  gaar ahaan Gobalka Shabeelaha Dhaxe.

Guddoomiyaha Gobalka Banaadir ahna Duqa magaalada Muqdisho, Guddoomiye ku-xigeenada Gobalka, Saraakisha Ciidamada qalabka Sida, Guddoomiyaasha degmooyinka ururada Dhallinyarada   Fanaanin, Ururada Haweenka Qaranka iyo kan Gobalka Banaadir ayaa ka qeyb galay banaan baxa.

Guddoomiyaha Degmada Boondheere Qaasim Cabdulle Xasan ayaa sheegay in ujeedka banaan baxa uuyahay mid lagu taageerayo guulaha ciidanka iyo go’aankii uu Madaxweynaha dalka uu xilka kaga qaaday guddoomiyihii maxkamadda sare iyo guddoomiyihii racfaanka maxkamadda gobolka Benaadir.

Ururada Haweenka Qaranka iyo Gobalka Banaadir Jawaahir Baarqab iyo Canab Xasan Cilmi ayaa ugu baaqay Bulshada Bulshada caasimada kunool in ay u midoobaan nabadeynta iyo horumarka magaalada.

Guddoomiye ku-xigeenka siyaasadda iyo Amniga ee Gobalka Banaadir Maxamed Axmed Diiriye Yabooh ayaa dadkii isu soo baxay uga mahadceliyay sida ay ugu dhiiradeen inay isu yimaadaan oo ay taageeraan guulaha ciidanka.

Guddoomiyaha Gobalka Banaadir ahna Duqa Magaalada Muqdisho Yuusuf Xusen  Jimcaale madaale oo Banaanbaxa ka qeyb galay ayaa u hambalyeey Ciidamada Xooga Dalka guulaha ay kasoo hooyaan dagaalka lagula jiro argagixisada ee ka socdo gobollada Dalka.

Sidoo kale Duqa magaalada Muqdisho ayaa soo dhaweeyay is badalka uu Madaxweynaha ku sameeyay garsoorka iyo sida ay u aqbaleen Mas’uuliyinta la badalay.

Ciidamada qalabka Sida ee Soomaaliya iyo kuwa AMISOM ayaa dhawaan deegaanno ku yaala Gobalka Shabaalaha Dhaxe waxay ka saareen maleeshiyada Al-Shabaab, kuwaas oo horey dhibaato ugu haayay shacabka halkaasi ku dhaqan.