Shir looga hadlayo hannaanka federaalka ayaa maanta ka furmay magaalada Kismaayo ee xarunta gobalka Jubbada Hoose, kadib wafdiyo ballaaran oo gaaray halkaasi.
Wafdiga tagay Kismaayo waxaa hoggaaminayay Xoghayaha Joogta ah ee wasaarada arrimaha gudaha Soomaaliya Yaxye Cali Ibraahim
Magaalada Kismaayo waxaa maanta Axad ah gaaray wafdiyo kale oo ka socda dowlad gobaleedyada kale ee wadanka ka jira kuwaasoo ka qeyb galaya shirkani..
Wafdiga waxaa hoggaaminayay xoghayaha joogta ah ee wasaaradda arrimaha gudaha iyo federaalka Soomaaliya Yaxye Cali Ibraahima, waxaa kaloo qeyb ka ahaa maamulka gobalka Banaadir iyo wasiiradda arrimaha gudaha ee maamullada dalka sidda Puntland, Koonfur Galbeed iyo Galmudug.
Madaxweynaha Jubbaland Axmed Maxamed Islaam Madoobe ayaa soo dhoweyn kadib wuxuu magaalada Kismaayo maanta ka furay shirka looga hadlayo hannaanka federaalka oo dowladda dhexe iyo maamul gobaleedyada iyo maamulka gobalkani Banaadir ay ka qeyb galayaan
Leave a Reply