Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa 7-sano kadib si rasmi ah u daahfuray dib usoo nooleynta mashruucii (DALKAAGA KU DHISO HAL DOLLAR) kaas oo ahaa mid horey u hirgalay islamarkaana lagu dhisay qaar kamid wadooyinka Caasimadda JFS.
Daahfurka Mashruucan waxaa goob joog ka ahaa Wasiiro iyo Xildhibaano katirsan DFS, Guddoomiye ku-xigeenada maamulka Gobolka Banaadir, Xog’hayyaha guud ee Maamulka Gobolka Aggaasimayaal, Guddoomiyaasha Degmooyinka, Ganacsato, Culuma-udiin iyo hogaanka ururada bulshadarayidka, waxaana goobta lagu soo bandhigay muhiimadaha uu xambaarsan yahay barnaamijka Dalkaaga hal Doolar Ku dhiso.
Duqa Magaalada Muqdisho Mudane Madaale ayaa mashruucan u xushay dardargalinta horumarinta bilicda Gobolka Banaadir, gaar ahaan dib udhiska Wadooyinka iyo hoos u daadajinta adeegyada aas-aasiga ah ee bulshada.
Leave a Reply