Daawo:Ciidammada Xoogga dalka ayaa deegaanka Baar sanguuni ku laayey Shabaab

Ciidanka Xoogga Dalka ayaa howlgal ballaaran haatan ka wada deegaanka Baar-sanguuni iyo nawaaxigiisa,iyagoo ku raad jooga maleeshiyaad ka tirsan koxda Alshabaab ee weerar ku soo qaaday fariisin ay ciidamadu ku lahaayeen halkaasi.
Kooxaha argagixisada Alshabaab ayaa weerar ku bilowday 2 gaari oo qaraxyo ah ku qaaday deegaanka Baarsanguuni oo ay fariisimo ku lahaa Ciifamada balse ciidanka Militariga Soomaaliya ayaa iska difaacay weerarkaasi,iyagoo khasaare xoogan u geystay maleeshiyaadkii weerarkaasi soo qaaday ee Alshabaab.

Wasiir kuxigeenka Warfaafinta Xukuumadda Soomaaliya Mudane Aadan Isxaaq Cali ayaa Wakaaladda SONNA u sheegay in Ciidanka Xoogga dalka oo ka feejignaa dhagarta Al-shabaab ay halkaasi ku toogteen ilaa 87 ka tirsanaa maleeshiyaadkii weerarka naf lacariga ah soo qaaday,iyadoo sidoo kale ciidamadu ay ku raad joogaan firxadka argagixisada.