Heshiiskan waxaa looga gol-leeyahay sidii loo soo afjari lahaa dilalka aargoosiga ah ee u dhaxeeyay beelahan.
Labadan beelood ayaa ku heshiiyay in dil lagu xukumo qofkii lagu helo dambi ah in uu geystay dil aargoosi ah, ama wuxuu qoyska qofkaasi bixinayaa Boqol Kun oo Dollar oo ganaax ah, Colaadda labada beelood dhex taallay ayaa ahayd mid muddo dheer jiitamaysay.
Wasiirka ayaa waxa uu sheegay muhiim in ay tahay in la joojiyo dagaalada mararka qaar dhaca ee saameynta khasaaraha leh u geystay dadka shacabka ah ee aan waxba galabsan, sidoo kale wuxuu sheegay qofkii mar dambe lagu arko isaga oo dagaal abaabulaya in Ciidamada ammaanka ay soo qaban doonaan, kadibna la horgeyn doono Maxkamada Millitariga.
Maalmihiii dhawaa degaanka Dirir Weyne ee hoostaga degmada Ceel Afweyne ee gobolka Sanaag waxaa ka dhacayay dagaal beeleedyo geystay khasaare dhimasho iyo dhaawac ah, kuwaasi oo saameeyay dadka degaanka.
Leave a Reply