Ra’isalwasaare Kheyre & Madaxda dowlad Goboleedyada oo kashiraya arimaha abaaraha

Ra’isalwasaaraha Xukuumadda Soomaaliya Xasan Cali kheyre ayaa waxaa uu shir guddoominayaa kulan u dhaxeeya isaga iyo Hogaamiyayaasha dowlad goboleedyada Soomaaliya kaas oo ka furmay Muqdisho.

Madaxweynayaasha maamul Goboleedyada ayaa waxaa ay maalmahan ku suganyihiin Muqdisho waxaa jiray shir u dhaxeeyay iyaga iyo dowladda Federaalka ah kaas oo la doonayo in maanta gelinka dmabe laga soo saaro war-murtiyeed la xiriira shirkaas.

Shirkan sidoo kale waxaa ka qeyb galaya xubnaha guddiga gurmadka abaaraha ee heer qaran kuwaas oo uu u yeeray ra’islawasaare Kheyre.

Kulankii u dhaxeeyay Madaxda dowladda Federaalka ah iyo kuwa dowlad Goboleedyada ayaa looga hadlayay abaaraha,amniga,siyaasadda dowladda cusub iyo shirka Bisha soo socota ka dhacaya Magaalada London ee looga hadlayo arrimaha Soomaaliya.