Dowladaha Soomaaliya iyo Japan ayaa Maanta Magaalada Muqdisho ku kala Saxiixday Heshiis hormarineed kaas oo Dowladda Japan ay si Toos ah u siineyso Soomaaliya,iyadoo aan wax Hay’add ah aan loo soo marsiin.
Wasiirka Iskaashiga iyo Xariirka Caalamiga Soomaaliya C/raxmaan Yuusuf Caynte ayaa sheegay in Heshiiskaasi wax looga qabanayo Caafimaadka,waxbarashada iyo Tababarada Ciidamada Booliska Soomaaliyeed.
Wasiir Caynte ayaa soo dhaweeyay Heshiiska ay wada gaareen Dowladaha Soomaaliya iyo Japan,waxaana uu u mahad celiyay Dowladda Japan.
Sidoo kale Danjiraha Japan u jooga Soomaaliya ayaa sheegay in Dowladda Japan ay ka go’an tahay Taageerada Soomaaliya ay siineyso si Soomaaliya ay Cagaheeda iskugu Taagto.
Heshiiskaan ayaa ah mid Soomaaliya Muhiimad weyn u leh,maadaama Kaalmada Caalamka uu siiyo Soomaaliya loo soo marsiiyo Hay’addo kale oo u dhexeeya Soomaaliya iyo Deeq bixiyaasha.
Halkaan Ka dhageyso
Leave a Reply